Tatlong bahay sa Navotas tinupok ng apoy
Problema ngayon ng ilang mga pamilya sa Barangay Tanza, Navotas City kung saan sila maninirahan at kung paano magsisimula muli.
Ito ay matapos masunog ang tatlong bahay sa naturang lugar Lunes ng gabi.
Ayon sa Navotas City Fire Department, alas-7:48 ng gabi nang magsimula ang apoy na agad itinaas sa ikalawang alarma.
Bago mag alas-9:00 ng gabi nang tuluyang maapula ang sunog.
Maswerte namang walang naitalang nasaktan sa insidente.
Sa ngayon ay patuloy ang imbestigasyon ng mga otoridad tungkol sa pinagmulan ng sunog at kung magkano ang kabuuang pinsala na idinulot nito. /
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.