Eskwelahan nadamay sa sunog sa Sta. Cruz, Maynila

By Justinne Punsalang February 25, 2018 - 04:34 AM

Sampung bahay ang natupok, habang nadamay din ang isang paaralang pang-elementarya sa sunog na naganap sa Recto Avenue, sa bahagi ng Sta. Cruz, Maynila.

Umabot sa ikalawang alarma ang sunog na tumupok sa ikalawang palapag ng Gregorio del Pilar Elementary School.

Ayon sa Bureau of Fire Protection, pasado alas-6 ng gabi nang magsimula ang apoy at tuluyan itong naapula bandang alas-7:26.

Dagdag pa ng mga otoridad, agad na itinaas sa ikalawang alarma ang sunog dahil mabilis na kumalat ang apoy sa mga bahay na pawang gawa sa mga light materials.

Wala namang naitalang nasaktan dahil sa sunog, ngunit 20 pamilya ang nawalan ng tirahan dahil sa nasabing insidente.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.