Nanawagan si dating Pangulong Fidel Ramos sa mga Pilipino na muling magsama-sama tulad noong panahon nang magkaisa ang lahat upang patalsikin ang rehimeng Marcos.
Sa isang panayam, sinabi ni Ramos na hindi na nagkakaisa ngayon ang mga Pinoy.
Marami na aniyang mga sigalot at iringan sa iba’t ibang sektor ng lipunan at maging sa iba’t ibang sangay ng gobyerno kaya’t nahihirapang umusad ang Pilipinas.
Giit pa ng dating pangulo, noong panahon ng EDSA People Power revolution, lahat ay nagpasyang iwaksi ang kani-kanilang mga pagkakaiba at nagsama-samang gumawa ng hakbang upang magkaroon ng pagbabago sa lipunan.
Nanawagan rin si Ramos sa mga kabataan na muling sariwain ang diwa ng EDSA at magsilbing panibagong simbolo para sa muling panunumbalik ng sigla ng bansa.
Umaasa rin si Ramos na lalahok si Pangulong Rodrigo Duterte sa selebrasyon ng People Power 1 sa darating na linggo sa EDSA bilang ‘tatay’ ng mga Pilipino.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.