Lalaki arestado sa buy bust operation sa Makati City
Timbog ang isang lalaki sa ikinasang drug buy bust operation ng mga elemento ng Makati City Police sa Barangay Pembo.
Kinilala ang suspek na si Artemio Mabalot alyas Pendyong, 38 walong taong at residente sa lugar.
Ayon sa mga otoridad, nakatanggap sila ng impormasyon na isang tulak ng droga sa lugar si Mabalot. Kaya naman nagsagawa sila ng imbestigasyon na nagresulta sa buy bust operation.
Unang nakabili ng isang sachet ng shabu ang mga otoridad mula sa suspek bago ito tuluyang naposasan.
Sa kabuuan ay narekober ng mga pulis ang tatlong sachet ng shabu mula kay Mabalot.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002 at kasalukuyang nakapiit sa detention facility ng Makati City Police.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.