40-anyos na lalake, patay sa pananambang sa Cubao, QC

 

Patay sa mga tama ng bala ang isang 40-anyos na lalake makaraan itong tambangan ng mga hindi pa nakikilalang mga salarin sa Cubao, Quezon City, Linggo ng gabi.

Kinilala ang nasawing biktima na si Alfredo Gonzales, residente ng San Juan City na nagtamo ng mga tama ng bala sa kanyang leeg at ulo.

Sa imbestigasyon ng mga otoridad, lulan ang biktima ng kanyang motorosiklo at binabaybay ang westbound lane ng Aurora Boulevard sa Cubao nang dikitan ito ng armadong suspek at paputukan.

Nagawa pang makatakbo ng biktima sa kabilang kalsada ngunit patuloy itong pinagbabaril ng salarin hanggang sa mamatay.

Nakuha sa pag-iingat ng biktima ang isang ID mula sa Criminal Investigation and Detection Unit ngunit patuloy pa itong kinukumpirma ng mga otoridad.