Founder ng Ikea furniture, pumanaw na

 

Pumanaw na ang tinaguriang ‘furniture guru‘ at Swedish founder ng Ikea na si Ingvar Kamprad sa edad na 91-anyos.

Kinumpirma ng kumpanyang Ikea ang pagpanaw ni Kamprad sa kanyang tahanan sa Smaland, Sweden.

Si Kamprad ang itinuturing na isa sa mga pinaamagaling na entreprenor ng 20th century dahil sa kanyang mga modernong muwebles na naibebenta sa praktikal na halaga.

Sumikat ang kanyang mga furniture designs sa maraming panig ng mundo kabilang na ang Europa, Japan at Australia.

Taong 1943 nang simulan ni Kamprad ang kanyang furniture company sa edad na 17-anyos.

Sa kasalukuyan, may 300 branches ang Ikea sa 28 bansa.