Higit P3M halaga ng shabu, nasamsam ng PDEA sa Negros Occidental

Nasabat ang tatlong milyong halaga ng shabu sa isinagawang buy-bust operation sa Negros Occidental.

Ayon kay Philippine Drug Enforcement Agency (PDEA) director general Aaron Aquino, kinilala ang umano’y drug dealer na si Christian Unabia, residente ng Barangay Palampas sa bayan ng San Carlos.

Inaresto si Unabia ng mga otoridad matapos makipagkasundo na magbenta ng droga sa nagsilbing poseur-buyer na isang opisyal ng PDEA.

Nakuha sa suspek ang walong pakete ng 608 gramo ng shabu na tinatayang nagkakahalaga ng P3,040,000 at mga drug paraphernalia.

Mahaharap ang suspek sa kasong paglabag sa Comprehensive Dangerous Drugs Act of 2002.