Pulis na survivor sa Mamasapano clash, kabilang sa nasawi sa pagsabog ng granada sa Abra
Nagkataon na ang pagkasawi ni Police Officer 3 Carlos Bocaig ay kaparehong petsa ng pagkasawi ng 44 na mga kasamahan niya sa Special Action Force noong January 25, 2015 o tatlong taon na ang nakalilipas.
Sa ulat ng INQUIRER.net isa si Bocaig sa ‘gunner’ nang salakayin ng 13-man assaukt team ang tintuluyang bahay ni Malaysian terrorist at bomb expert Zulkifli Bin Hir, alyas Marwan sa Mamasapano, Maguindanao.
Ayon sa isa ring survivor, si Bocaig ay mailalarawan niya bilang isang “warrior”.
Pagkatapos umano ng Mamasapano clash, patuloy pa rin na nagvo-volunteer para sumama sa combat operations si Bocaig.
Si Bocaig at isa pang pulis ay nasawi habang nagbibigay ng seguridad sa pagdiriwang ng kapistahan sa bayan ng La Paz sa Abra, Huwebes ng madaling araw.
Kabilang sa mga nasugatan sa insidente sina Abra Rep. Joseph Bernos at asawa niyang si La Paz Mayor Menchie Bernos.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.