Lalaki patay sa pamamaril sa ilalim ng MRT Magallanes
Wala pang pagkakakilanlan ang isang lalaking natagpuang nakahandusay at walang buhay sa ilalim ng MRT Magallanes sa Makati.
Ayon sa nagtitinda ng fishball na nakakita sa insidente, nakatayo lamang sa lugar ang biktima na tila naghihintay ng masasakyan nang dumating ang dalawang motorsiklo na may lulang apat na lalaki.
Walang pag-aatubili ay pinaulanan ng bala ng mga riding in tandem ang biktima na kaagad binawian ng buhay.
Ayon pa sa fishball vendor, nilapitan ng mga salarin ang biktima para tingnan kung patay na ba ito.
Matapos ang insidente ay agad na tumakas ang mga salarin sa direksyon ng EDSA northbound.
Anim na basyo ng 9mm pistol ang narekober ng Makati City Police mula sa crime scene.
Sa ngayon ay patuloy pa ang imbestigasyon upang malaman ang pagkakakilanlan ng biktima at ang motibo sa pamamaslang.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.