Hindi nabenta kay Sen Ping Lacson ang naging paliwanag ng mga opisyal ng PCSO kaugnay sa umanoy nagaganap na korapsyon at anomalya sa PCSO
Sa ginawang pagdinig ng senate committee on games and amusement na pinangungunagan ni Lacson iginiit nito na may mga paglabag siyang nakikita sa PCSO base na rin sa mga iprinisinta ng mga resource persons sa katauhan ni PCSO Board of Director Sandra Cam
Kaugnay nito, muling ipagpapatuloy ang pagdinig na itatakda ng komite dahil ayon kay Lacson kinakailangan pa ng mga susunod na hearing upang mahalukay ang usapin ng korapsyon sa PCSO at ang operasyon ng STL o Small Town Lottery
Sa impormasyon nakalap ni Lacson, dapat ay aabot sa P6.05 Billion ang buwanang ang kinikita ng STL sa iba’t ibang lalawigan pero lumalabas na halos ay P1 Billion ang naire-remit ng mga AAC o Authorized Agent Corporations ng STL operations ng PCSO.
Dumalo sa pagdinig ng Senado ang mga matataas na opisyal ng PCSO upang linawin ang isyu sa kurapsyon at paggastos nila ng malaking halaga sa nakaraang Christmas party ng ahensiya.
Watch: Mandato na ‘charity’ ng PCSO magagampanan kung makokolekta ang P4.3B nawawala dahil sa anomalya sa P6B/month na dapat ay kita sa STL @dzIQ990 pic.twitter.com/NwlpFqVsn0
— ruel perez (@iamruelperez) January 24, 2018