Pag-aalburuto ng Bulkang Mayon, nagpapatuloy; 14 na rockfall events, naitala sa magdamag

Patuloy ang pag-aalburuto ng Bulkang Mayon sa Albay.

Sa monitoring ng seismic team ng Philippine Institute of Volcanology and Seismology, nasa 14 na rockfall events at 10 pyroclastic density currents ang kanilang naitala sa aktibidad ng Mayon sa nakalipas na 24 na oras.

Bukod dito, aabot pa rin sa 3 kilometro ng lava flow ang ibinubuga ng Bulkan na umaagos naman sa southern part nito.

Napansin din ang crater glow sa tuktok ng Mayon na nangangahulugan umano ng patuloy na pamamaga nito.

Nitong Sabado, 5 rockfall events lamang ang naitala ng Mayon mas mababa kumpara sa mga nakalipas na araw.

Nanatili ang alert level 3 sa Mayon sa kabila ng patuloy na pagpaparamdam nito.