India, nagpalipad ng Ballistic Missile

Matagumpay na nailunsad ng India ang kanilang Agni-V, isang ‘nuclear capable intercontinental ballistic missile’ (ICBM).

Ayon sa Defense Ministry ng India, ang Agni-V ay ang ‘most-advance ICBM’ ng bansa at itinuturing itong ‘major boost’ sa kanilang kakayahang pangmilitar.

Lumipad ang missile mula Abdul Kalam island at bumagsak sa karagatan ng Odisha.

Tinatayang mayroong nang 120 hanggang 130 nuclear missiles ang India kumpara sa libu-libong mayroon ang Estados Unidos.

Mula pa taong 2012 ay limang beses nang isinagawa ang ballistic missile test ng Agni-V na nagiging dahilan upang maging mainit ang relasyon ng India sa Pakistan at China.