Sanggol patay, mahigit 10 pa ang sugatan sa pag-araro ng kotse sa mga turista sa Brazil
Patay ang isang sanggol at sugatan ang hindi bababa sa 15 katao matapos silang araruhin ng isang kotse sa Copacabana Beach sa Brazil.
Kinumpirma ng mga opisyal mula sa fire department na isang sanggol na ang edad ay nasa walong buwan ang nasawi sa insidente.
Bigla na lamang umanong sinagasaan ng kulay itim na Hyundai i30 ang mga turista sa lugar.
Hawak na ng mga otoridad ang driver ng kotse na si Antonio de Almeida Anakim, 41 anyos.
Isinantabi naman na sa ngayon ng mga otoridad ang anggulong terorismo sa naturang insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.