Ayon sa PAGASA, wala namang posibilidad na maging bagyo ang LPA na nasa labas ng bansa ngayon ngunit nakakaapekto ito sa mga nabanggit na lugar.
Maulap na papawirin na may pag-ulan at pagkidlat na posibleng magdulot ng baha at pagguho ng lupa ang asahan sa mga nabanggit na rehiyon.
Samantala, ang sanhi naman ng magdamag na pag-ulan sa Metro Manila, Central Luzon, CALABARZON, MIMAROPA at Bicol Region ay ang ‘Tail-end of a Cold Front’.
Maulap na kalangitan na may kasamang pag-ulan at pagkidlat rin ang mararanasan at posibleng pagbaha at pagguho ng lupa ang ibinababala ng weather bureau samga nabanggit na lugar.
Sa hilagang bahagi naman ng bansa partikular sa Cagayan Valley Region, Ilocos Region at Cordillera Administrative Region, umiiral ang northeast monsoon o hanging amihan.