Dennis Rodman inaresto sa California dahil sa pagmamaneho ng lasing

Arestado si dating NBA star Dennis Rodman dahil sa hinalang nagmaneho ito ng nakainom.

Ayon kay Lt. Rachel Johnson ng Newport Beach Police Department, pinara ang sasakyan ng Rodman dahil sa traffic violation.

At nang magsagawa sila ng sobriety test kay Rodman ay bagsak ang resulta.

Isinailalim din sa “breathalyzer test” ang dating manlalaro at lagpas sa .08 legal limit ang rumehistro.

Nagpalipas ng gabi sa bilangguan si Rodman at nakalaya din kinaumagahan.