MRT-3, nakaranas ng aberya; halos 200 na pasahero, pinababa

Isa na namang aberya ang sumalubong sa mga pasahero ng MRT-3 ngayong umaga ng Linggo.

Halos dalawang daang pasahero ang pinababa sa GMA-Kamuning Station northbound.

Sa abiso ng MRT-3, pinababa ang 180 na pasahero bunsod ng naranasang electrical failure ng train bandang 9:15 ng umaga.

Nagkaroon aniya ng aberya dahil sa “worn out electrical sub-components”.

Nakasakay naman ang mga apektadong pasahero sa sumunod na train na dumating makalipas ang apat na minuto.