Naniniwala si Senador Ping Lacson na wala nang dahilan para talakayin pa ng Senado ang Death Penalty Bill.
Ito ay kahit pasado na ang counterpart bill nito sa Kamara.
Katuwiran ni Lacson, isa sa mga author ng panukalang batas, walang sapat na suporta ang panukalang ibalik ang parusang bitay.
Mayorya umano sa mga Senador ang umaayaw sa panukala kahit pa gagamitin lang ito sa mga kasong may kaugnayan sa iligal na droga.
Katunayan, batay aniya sa pakikipag-usap niya sa mga kapwa Senador, hindi makakuha ng 12 boto ang panukala kahit pa mismong ang Pangulo na ang nagsusulong nito.
Kasabay nito, pinayuhan ni Lacson si Senador Manny Pacquiao na pulsuhan muna ang mga kasamahan bago magsagawa ng pagdinig hinggil
dito.
Si Pacquiao ang mamumuno sa binuong Sub-committee ng Justice Committee para talakyin ang Death Penalty Bill.