Trillanes sa panukalang Cha-Cha: ‘Bitag iyan’

By Jay Dones January 11, 2018 - 03:19 AM

 

Nangako si Senador Antonio Trillanes IV na pipigilan ang anumang hakbang upang amyendahan ang 1987 Constitution.

Ayon kay Trillanes, layunin lamang ng plano ng administrasyon na baguhin ang Saligang Batas ay ang matiyak na makikinabang dito ang pangulo at ang mga kaalyado nitong mga ‘political warlords’.

Naniniwala rin si Trillanes na isang uri lamang ng bitag o ‘trap’ ang naturang hakbang at layunin lamang nito na mapalawig ang kapangyarihan ng mga nais na manatili sa puwesto.

Aminado naman si Trillanes na kailangan ang charter change upang mabago ang sistema ng gobyerno mula presidential tungong federalism.

Gayunman, hindi aniya maari itong gawin sa ngayon sa ilalim ng isang ‘hindi kati-tiwalang administrasyon’.

Sinabi pa ng mambabatas na ang paglutas sa problema ng bayan ay hindi mareresolba sa pamamagitan ng pagbabago sa sistema ng gobyerno kung hindi sa pagluluklok ng mga karapat-dapat at responsableng pinuno.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.