Posibleng makaranas ng pag-ulan ang taunang Traslacion ng Itim na Nazareno sa araw ng Martes.
Ayon sa PAGASA, magkaroon ng bahagya hanggang sa maulap na papawirin na may manakanakang pag-ulan ang Metro Manila dahil sa localized thunderstorms. Sinabi ng PAGASA na asahan na rin ang katamtaman hanggang sa malakas na pag-ulan sa Batanes at Babuyan Islands dahil sa Amihan sa Northern Luzon.
Apektado rin ng weather system ang mga rehiyon ng Ilocos, Cordillera Region, at Cagayan Valley.
Mataas din ang tiyansa ng pag-ulan sa Bicol, Eastern Visayas, Caraga at Davao dahil sa easterlies o hanging mula sa silangan.
Asahan na rin ang pag-ulan sa nalalabing bahagi ng Luzon, Visayas at Mindanao dahil na rin sa localized thurderstorm.