1 patay, 5 sugatan sa pagpapasabog sa Maguindanao
Agad na ikinamatay ng isang pulis at ikinasugat ng limang iba pa ang pagsabog na naganap sa Shariff Aguak sa Maguindanao.
Kinilala ang biktima na si SPO4 Max Kaibat, habang ang mga sugatan naman ay sina 03 Jalison Abdullah, P01 Archie Ansare Amelista, Ricardo Almonia, P01 Alimodin Nuphay, at P01 Zainoden Abdullah. Lahat sila ay mga kawani ng Shariff Aguak Municipal Police Office.
Ayon sa imbestigasyon ng mga otoridad, nagsasagawa ng mobile patrol ang mga biktima nang matamaan ng pampasabog ang kanilang sasakyan.
Kasalukuyang nagpapagamot ang mga sugatan sa Maguindanao Integrated Provinicial Hospital.
Samantala, patuloy pa ang clearing operations at imbestigasyon na sinasagawa ng mga otoridad.
Pinaniniwalaang mga miyembro ng Bangsamoro Islamic Freedom Fighters (BIFF) ang nasa likod ng pagpapasabog.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.