Sa isang Instagram post, ay nagawa pang magbiro ni Nico na nakalimutan umano ni Solenn ang kanilang wedding anniversary.
Makikita sa naturang post ang larawan ng mag-asawa nang papalabas sila mula sa kanilang kasal at kita sa kanilang mga mukha ang saya.
Ani Nico, hanggang ngayon ay hindi pa rin siya makapaniwalang napangasawa na niya si Solenn na kung tawagin niya ay ‘wifezilla.’
Samantala, nagpost rin si Solenn sa kanyang Instagram ng kanilang litrato.
Sa caption, sinabi ng aktres na si Nico ang ‘best partner in life’ na kanyang mahihiling.
Dagdag pa nito, umuwi na si Nico para makapagdiwang na sila ng kanilang wedding anniversary.
Kasalukuyang nasa Argentina si Nico, habang nasa Pilipinas naman si Solenn.