2 tanod na sangkot sa Mandaluyong shooting incident, itinangging may dalang baril
Itinanggi ng dalawang barangay tanod na sangkot sa naganap na pamamaril sa isang AUV sa Mandaluyong City na mayroon silang mga baril.
Ayon kina Wilmer Doron at Ernesto Fajardo, hindi nila pinaputukan ang Mitsubishi Adventure. Anila pawang mga patpat lamang ang kanilang hawak nang tugusin nila ang naturang sasakyan na inakala nilang getaway vehicle ng lalaking namaril sa Barangay Addition Hills.
Sa sinumpaang salaysay na isinumite ni Fajardo, ang kanyang ibang mga kasamahang tanod ang itinurong mayroong hawak na baril.
Depensa nina Doron at Fajardo sa pangyayari, maling impormasyon ang ibinigay sa kanila ng mga residente sa lugar kaya nila tinugis ang naturang sasakyan, sa pag-aakalang sakay nito ang salarin sa pamamaril sa lugar.
Ayon naman sa mga pulis, gagamitin nila ang salaysay ni Fajardo laban sa mga armadong barangay tanod.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.