96% ng mga Pilipino, sasalubungin nang may pag-asa ang 2018

Positibo ang mas nakararaming Pilipino sa pagpasok ng bagong taon.

Batay sa survey ng Social Weather Stations (SWS), 96% ng mga Pilipino ang may pag-asa sa pagsalubong sa 2018.

Sinabi ng SWS na laging mataas ang pag-asa tuwing bagong taon, ngunit itinuturing ito na “all time high” mula nang isagawa ang kaparehong survey noong 2000.

Samantala, 4% naman ang sasalubungin ang 2018 nang may takot.

Isinagawa ng SWS ang survey mula December 8 hanggang 16 sa 1,200 katao sa iba’t ibang bahagi ng bansa.