Pulis dinukot ng NPA sa Roxas, North Cotabato

Dinukot ng mga hinihinalang miyembro ng rebeldeng New People’s Army (NPA) ang deputy chief of police ng bayan ng President Roxas sa Cotabato City.

Ayon sa tumatayong tagapagsalita ng North Cotabato Police Office na si Superintendent Bernard Tayong, hindi pa malinaw kung paano dinukot si Chief Inspector Menardo Cui.

Ngunit batay aniya sa inisiyal na report ng mga pulis, bandang alas-8 ng gabi ng Huwebes nang dukutin si Cui sa Barangay Poblacion sa barangay President Roxas.

Patuloy ang imbestigasyon ng mga otoridad tungkol sa insidente, maging ang kanilang paghahanap sa dinukot na pulis.