Septic tanker tumagilid sa Batasan-San Mateo Road sa Quezon City

Nabangga muna ng isang septic tank truck ang isang pribadong sasakyan bago ito tumagilid sa kahabaan ng Batasan-San Mateo Road aa lungsod Quezon.

Ayon sa driver ng truck na si Antonieto Layagun, byaheng Marikina siya nang habang binabagtas ang naturang kalsada ay bigla na lamang sumulpot sa kanyang kaliwa ang kotse.

Ipinihit aniya niya ang manibela para sana iwasan ang sasakyan, ngnit hindi ito kinaya na nagresulta sa pagbangga pa rin dito at pagtagilid ng kanyang minamanehong truck.

Sa lakas ng impact ay nabasag ang windshield ng truck habang wasak naman ang unahang bahagi ng kotse.

Maswerte namang kapwa maayos ang kalagayan ng mga sakay ng truck at kotse.