EU magbibigay ng P34 milyong ayuda sa mga biktima ng bagyong Vinta

 

Nasa 570,000 euros o halos P34 milyon ang ibinigay na pledge ng European Union (EU) para sa mga nabiktima ng bagyong Vinta.

Sa isang pahayag, sinabi ng EU na ang naturang pondo ay para makatulong sa relief efforts at mabigyan ng pangunahing pangangailangan ang mga pamilyang naapektuhan ng naturang bagyo.

Kasabay nito ay nagpahayag rin si EU commissioner for Humanitarian Aid and Crisis Management Christos Stylianides ng pakikiramay sa mga nawalan ng mahal sa buhay dahil sa pananalasa ng bagyong Vinta.

Kabilang sa paglalanaan ng pondo mula sa EU ang emergency shelter, mga pangunahing gamit sa loob ng bahay, malinis na tubig, at hygiene kits.