Aminado si Pangulong Benigno Aquino III na hindi pa nila nakukumbinsi si Camarines Sur Rep. Leni Robredo na maging kandidato bilang bise presidente ni Liberal Party standard bearer Mar Roxas sa 2016 elections.
Ginawa ito ni Pangulong Aquino matapos na kumpirmahin na nag -usap sila kahapon ni Robredo kasama si Roxas, DSWD Secretary Dinky Soliman at dalawa sa tatlong anak nito.
Gayunman, sinabi ng pangulo na naging pagkakataon ito para ilabas ng Kongresista ang mga agam-agam nito.
Nailatag naman nila kay Robredo ang mga dapat at na asahan at dahilan kung bakit nila napili ito na maging ka-tandem ni Roxas.
Hindi pa naman aniya tapos ang usapan dahil muli silang magpupulong ni Robredo.
MOST READ
LATEST STORIES