5 patay, 2 sugatan sa suicide attack sa Afghanistan

 

Hindi bababa sa lima ang namatay habang dalawa naman ang sugatan matapos ang isa na namang kaso ng suicide attack sa Kabul, ang kabisera ng Afghanistan.

Kabilang sa bikitma ay isang babae na sakay ng isang sasakyan nang maganap ang pagsabog sa lugar.

Ayon sa tagapagsalita ng Interior Ministry ng Afghanistan, pinasabog ng suicide bomber ang kanyang sarili malapit sa opisina ng intelligence service.

Wala pang umaako ng responsibilidad sa insidente.

Habang una ng inako ng mga Taliban insurgents at Islamic States group ang mga naunang pag-atake sa Kabul.