Mindanao iikutin ng mga senador para sa BBL consultation
Ikinakasa ng Senado ang malawakang public consultation sa buong rehiyon ng Mindanao para sa panukalang Bangsamoro Basic Law.
Ayon kay Sen. Migz Zubiri, Chairman ng Sub-Committee on BBL, sa ikalawang linggo ng Enero ay magtutungo ang mga senador sa ilang bahagi ng Mindanao upang alamin ang pulso ng mga kapatid na Muslim sa panukalang pagtatatag ng Bangsamoro political entity
Kukuha din ng opinyon at mga suhestyon ang mga senador na miyembro ng sub-committee sa mga Kristyano at mga Lumad sa Mindanao upang makakuha ng neutral na opinyon sa panukalang BBL.
Pagkatapos ng public consultation, tantya ni Zubiri aabot pa sa tatlong hearing ang BBL sa Senado bago matapos ang mga committee hearing hingil sa panukala.
Sa Pebrero inaasahang maglalabas ng committee report ang nasabing lupon kaugnay sa BBL.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.