Bagyong Vinta, napanatili ang lakas; signal number 2 itinaas sa apat na lalawigan
Napanatili ng tropical storm Vinta ang lakas nito habang patungo sa direksyon ng Eastern Mindanao.
Ang bagyo ay huling namataan ng PAGASA sa 440 kilometers East ng Hinatuan, Surigao Del Sur.
Taglay ng bagyo ang lakas ng hanging aabot sa 65 kilometers bawat oras at pagbugsong aabot sa 80 kilometers bawat oras.
Kumikilos ang bagyo sa bilis na 18 kilometers bawat oras sa direksyong pa-Kanluran.
Dahil sa banta ng nasabing bagyo, itinaas na ang public storm warning signals sa mga sumusunod na lugar:
SIGNAL #2:
- Surigao del Norte
- Surigao del Sur
- Agusan del Norte
- Agusan del Sur
SIGNAL #1:
- Southern Leyte
- Southern portion of Leyte
- Bohol
- Dinagat Island
- Camiguin
- Misamis Oriental
- Bukidnon
- Lanao del Norte
- Lanao del Sur
- North Cotabato
- Maguindanao
- Northern Davao Oriental
- Northern Davao del Sur
- Compostela Valley
- Davao del Norte
Tatama ang bagyo sa kalupaan ng Caraga o Davao Region mamayang gabi o ‘di kaya ay bukas.
Posible ring sa mga susunod na oras ay magtaas na ng public storm warning signal sa Southern Cebu, Siquijor, at Misamis Occidental.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.