Hinatulang guilty si Vice Mayor Diarangan Dipatuan sa grave misconduct sa hindi pag-remit ng Government Servuice Insurance System (GSIS) contributions ng mga empleyado ng lokal na pamahalaan noong 2015.
Maliban kay Dipatuan, pinadi-dismiss din sa serbisyo sa gobyerno ang noo’y treasurer na si Rasad Dumarpa.
Pinatawan sina Dipatuan at Dumarpa ng mga parusang pagkansela ng eligibility, forfeiture ng retirement benefits at hperpetual o habambuhay na diskwalipikasyong magkaroon ng posisyon sa gobyerno.
Ayon sa Ombudsman, noong December 2015, kinuha ng complainant na si Habib Tarosan ang record ng kanyang contributions sa opisina ng GSIS.
Batay rito, kulang ang monthly salary ni Tarosan na idineklara ng dalawang opisyal na mahigit P14,000 sa halip na mahigit P20,000.
Nagbunga ito sa mas mababang monthly premium sa GSIS contribution mula January hanggang December 2012.
Iginiit ng Ombudsman na sina Diarangan at Dumarpa ang responsable sa hindi na-remit na contributions.
Samantala, inatasan na ng Ombudsman ang Commission on Audit na imbestigahan ang insidente.