1 sundalo patay, 2 sugatan sa pananambang ng Abu Sayyaf sa Basilan
Patay ang isang sundalo habang sugatan ang dalawa niyang kasama matapos silang tambangan ng mga miyembro ng Abu Sayyaf Group sa Basilan, Lunes ng umaga.
Ayon sa hepe ng Tipo-Tipo police na si Senior Insp. Mujahid A. Mujahid, nagsagawa ng route security ang mga sundalo ng 74th Infantry Battalion nang bigla silang tambangan ng mga bandido.
Naganap aniya ito sa Sitio Baunodagaw sa Barangay Badja sa kanilang bayan, dakong alas-sais ng umaga ng Lunes.
Ayon pa kay Mujahid, nagsagawa ng route security ang mga sundalo dahil sa mga ulat ng umano’y pagtatanim ng improvised explosive device sa nasabing lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.