Pang. Duterte sa photoshoot ng apo sa Palasyo: It’s a small matter

Ipinagtanggol ni Pangulong Rodrigo Duterte ang naging photoshoot ng kanyang apong si Isabelle Duterte sa Malacañang.

Sa kanyang pagdalo sa selebrasyon ng kaarawan ni Senador Manny Pacquiao sa General Santos City, iginiit ni Duterte na maliit na bagay lamang ang naging photoshoot ng kanyang apo.

Aniya, lahat naman ng bumibisita sa Malacañang ay nagpapalitrato.

Magugunitang naging viral sa social media ang pre-debut photos ni Isabelle na kinuhanan sa Palasyo, gaya na lamang ng isa kung saan nakasuot siya ng pink gown katabi ang presidential seal at ang watawat ng Pilipinas.