17,000 pasahero, stranded sa mga pantalan dahil sa bagyong ‘Urduja’
Umakyat na sa 16, 996 ang bilang ng mga pasaherong stranded dahil sa pananalasa ng Bagyong Urduja.
Sa report na inilabas ng Philippine Coast Guard (PCG), sakop nito ang mga pasahero sa National Capital Region (NCR), eastern at southern Visayas, Bicol at Southern Tagalog.
Pinakamaraming stranded sa Port of Manila na may 4,027 stranded na pasahero.
Pumangalawa ang Port of Matnog na nakapagtalaga ng 3,600, sinundan ng Port of Batangas na may 1,858, Port of Roxas sa 1,452 at Port of Jubasan na may 1,272 stranded na mga pasahero.
Samantala, nasa 118 vessels, 1,575 rolling cargoes at 34 na mga motor bancas ang stranded sa ibat ibang pier.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.