Ito ay batay sa pinirmahan ni Pangulong Rodrigo Duterte na Proclamation No. 50, series of 2016 noong August 16, 2016 kung saan idineklarang regular holiday ang December 25 at 30, 2017, at January 1, 2018.
Naglabas ang kagawaran ng Labor Advisory No. 13 na naglalaman ng tamang pasweldo sa mga nasabing araw.
Sa abiso ng DOLE, makakatanggap pa rin ang mga empleyado na hindi magtatrabaho sa mga nasabing araw ng 100 porsyento ng kanilang sweldo kada araw.
Kapag pumasok naman ang empleyado, dapat makakuha ito ng 200 porsyento ng kaniyang sweldo para sa unang walong oras sa trabaho sa isang araw.
Sakaling lumagpas naman sa walong oras, magkakaroon ang empleyado ng karagdagang 30 porsyento ng kaniyang hourly rate.
Makakatanggap rin ang mga empleyado na nagtrabaho at natapat sa araw ng kanilang day-off ng dagdag-30 porsyento ng kada araw na sahod na 200 porsyento.
Kung magkaroon pa ng overtime, magkakaroon pa ng karagdagang 30 porsyento ang empleyado sa kaniyang hourly rate.