Umaabot sa mahigit isanlibong pasahero ng MRT ang napilitan na namang bumaba sa tren matapos makaranas itong muli ng aberya Byernes ng gabi.
Ayon sa advisory ng MRT, huminto sa southbound lane ng Kamuning Station ang isang tren ng MRT dakong alas 7:00 ng gabi ngunit hindi na ito muli pang umandar.
Dahil dito, pinababa ang lahat ng nasa 1,200 pasahero ng mga bagon at napilitang maghintay na lamang ng isa pang tren.
Ito na ang ikalawang pagkakataon na napilitang magpababa ng tren ang daan-daang pasahero dahil sa insidente ng electrical failure.
Halos araw-araw nang nakakaranas ng aberya ang MRT nitong nakalipas na mga buwan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.