Dela Rosa sa mga drug peddler sa Bilibid: Gagawin kong miserable ang buhay nyo
Tinyak ni Philippine National Police (PNP) Director General Ronald “Bato” Dela Rosa na magiging komportable ang buhay ng mga preso sa New Bilibid Prison sa sandaling siya ay maging direktor na ng Bureau of Corrections (BuCor).
Pero ayon kay Dela Rosa, gagawin naman niyang miserable ang buhay ng mga presong sangkot sa illegall na droga.
“I will make your life very, very easy and comfortable. For the drug lords, I will make your life miserable. If you would continue on trafficking drugs, you better start praying,” ani Dela Rosa.
Nakatakdang magretiro si Dela Rosa sa Enero, pero hiniling pa ni Pangulong Duterte na mag-extend siya sa pwesto ng tatlong buwan.
Matapos ito, magiging direktor na ng BuCor si Dela Rosa.
Sa kaniyang pagbisita sa Bilibid sa 112th foundation day celebration ng BuCor kasabay ng Christmas party sinabi ni Dela Rosa na walang magiging problema sa kaniya ang mga matitinong preso.
Magiging maayos aniya ang lahat basta’t kailangan lamang maging “behave” ng mga bilanggo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.