10 lalaki, arestado sa buy-bust operation sa isang motel sa Cubao
Arestado ang sampung lalaki sa isinagawang drug buy-bust oeprqation ng mga tauhan ng QCPD-District Drug Enforcement Unit sa Cubao, Quezon City.
Ang mga suspek na tinarget ay nasa loob ng isang motel sa Imperial Street sa Cubao.
Nakuha mula sa sampu ang 35 sachet ng shabu na tinatayang aabot sa P100,000 ang halaga.
May mga nakuha ring vial at hiringgilya na ginagamit umano ng mga suspek.
Ayon sa mga otoridad, tinutunaw ng mga naarestong user ang shabu, ilalagay sa vial at saka gagamitan ng hiringgilya para maiturok sa katawan.
Kita pa sa braso ng mga suspek ang maliliit na sugat na pinagtusukan nila ng hiringgilya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.