Tropical Storm Urduja lumakas pa; storm warning signals, nakataas sa 18 lalawigan

Bahagya pang lumakas ang tropical storm Urduja at nananatiling mabagal ang kilos nito.

Sa latest weather bulletin ng PAGASA, ang bagyo ay huling namataan sa 205 kilometers East ng Borongan City.

Taglay na ng bagyo ang lakas ng hangin na aabot sa 75 kilometers bawat oras at pagbugsong aabot sa 90 kilometers bawat oras.

Mabagal pa rin ang kilos nito sa direksyon Northwest sa 5 kilometers bawat oras.

Nakataas na ang public storm warning signal number 2 sa apat na lugar sa Visayas kabilang ang:

• Northen Samar
• Eastern Samar
• Samar
• Biliran

Habang signal number 1 naman ang nakataas sa sumusunod na lugar:

• Catanduanes
• Camarines Sur
• Albay
• Sorsogon
• Romblon
• Masbate including Burias & Ticao Islands
• Leyte
• Southern Leyte
• Northern Cebu including Bantayan Island
• Northern Bohol
• Capiz
• Aklan
• Northern Iloilo
• Dinagat Islands

Ayon sa PAGASA, sa pagitan ng umaga at tanghali ay inaasahang magla-landfall ang bagyo sa Northern Samar o Eastern Samar area.