4 bata patay, 19 sugatan sa schoolbus na nasalpok ng tren sa France
Apat na bata ang nasawi samantalang labing-siyam pa ang nasugatan nang salpukin ng tren ang sinasakyang schoolbus ng mga biktima sa southern France.
Ayon sa French Interior Ministry, naganap ang aksidente sa railroad crossing malapit sa bayan ng Perpignan.
Pauwi na umano ang mga bata na umeedad 11 hanggang 15 taong gulang mula sa eskwelahan nang mahagip ng tren ang kanilang sinasakyang school bus.
Dahil sa tindi ng impact, nahati ang school bus at tumilapon ang ilang biktima.
Pito sa mga nasugatan ang nasa malubhang kondisyon at patuloy na ginagamot sa ospital.
Nagpapatuloy ang imbestigasyon ng mga otoridad sa pangyayari.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.