WATCH: Closed van, nasunog sa EDSA-Ortigas flyover
Hindi na mapapakinabangan pa ang isang closed van matapos itong masunog sa Ortigas flyover northbound.
Kamasa ring naabo ang iba sa mga kargang tissue ng naturang closed van.
Ayon sa driver ng truck na si Jonas Sulit Punoan at pahinanteng si Arthur Lamagan, nanggaling sila sa Taguig at ihahatid na sana ang mga kargang tissue sa SM North.
Anila, sa bandang SM Megamall pa lamang ay nakita na nila na umuusok ang kanilang van.
Kaya naman nang makarating sila sa Ortigas flyover ay doon sila gumilid para isalba ang kanilang kargang tissue.
Mabilis namang naapula ng Mandaluyong Bureau of Fire Protection (BFP) ang sunog at dahil sakop na ng Quezon City ang lugar na pinangyarihan ng insidente, itinurn over na ito sa QC BFP.
Batay sa paunang imbestigasyon ng mga otoridad, palyadong electrical wiring ng truck ang naging sanhi ng pagliliyab nito. Anila, may kalumaan na kasi ang naturang truck.
Samantala, umabot hanggang EDSA Ayala ang mabigat na trapiko dahil sa naturang aksidente.
Watch: closed van nagliliyab sa EDSA Ortigas NB flyover pic.twitter.com/SOP6aE9v1L
— Erwin Aguilon (@erwinaguilonINQ) December 12, 2017
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.