Itinalaga ni Pangulong Rodrigo Duterte bilang board member sa Philippine Charity Sweepstakes Office (PCSO) ang whistleblower na si Sandra Cam.
Pero anim na buwan na lamang o hanggang June 30, 2018 lang maninilbihan sa PCSO si Cam bilang isa sa mga miyembro board of directors.
Base sa nilagdaang appointment paper ni Pangulong Rodrigo Duterte, itinalaga sa pwesto si Cam noon pang July 1, 2017.
Gayunman, noon lamang Miyerkules, Dec. 6 nakapanumpa sa tungkulin si Cam.
Papalitan ni Cam sa pwesto si dating PCSO Board Member Betty Nantes.
Sa naunang panayam ng Radyo Inquirer, sinabi ni Cam na ngayong araw pa lamang siya pormal na magsisimula sa kanyang trabaho.
Umaapela rin si Cam sa kanyang mga kritiko na bigyan siya ng tatlong buwan para patunayan na hindi isang political accommodation ang pagkakatalaga sa kaniya sa pwesto.
Si Cam ay isa sa mga masugid na tagasupprta noong panabon ni kampanya ni Pangulong Duterte.