Prangkisa ng naaksidenteng bus sa Occidental Mindoro sususpendihin ng LTFRB
Sususpendihin ng Land Transportation Franchising and Regulatory Board (LTFRB) ang prangkisa ng tourist bus na nasangkot sa aksidente sa Occidental Mindoro na ikinasawi ng dalawa katao at ikinasugat ng maraming iba pa, noong Sabado.
Ayon kay LTFRB Board Member Aileen Lizada, magpapalabas ng preventive suspension order ang ahensya sa dalawang units ng Charm Travel and Tours bus company matapos lumitaw na out-of-line ang mga ito.
Paliwanag ni Lizada, lumitaw sa kanilang records na ang LTFRB Region 3 ang nag-isyu ng prangkisa para sa mga naturang bus.
Gayunman, naganap ang trahedya sa Occidental Mindoro na malinaw na parte ng Region 4.
Matatandaang puno ng mga opisyal at estudyante ng University of Rizal System (URS) sa Morong, Rizal ang naaksidenteng bus na patungo sana sa Occidental Mindoro State College sa bayan ng San Jose.
Dadalo sana ang mga biktima saouthern Tagalog Region Association of State Universities & Colleges Olympics o STRASUC 2017.
Gayunman, habang binabaybay ang kalsada sa Bgy. Nicolas sa bayan ng Magsaysay, Occidental Mindoro ay nawalan ng kontrol ang bus at nahulog sa isang malalim na kanal.
Sanhi nito, dalawa ang nasawi samantalang 26 pa ang nasugatan sa aksidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.