Ilang flights sa NAIA, kinansela dahil sa sama ng panahon

Kinansela ang ilang domestic flights sa Ninoy Aquino International Airport ngayong araw ng Linggo, December 10.

Sa abiso ng Manila International Airport Authority (MIAA), kanselado ang dalawang flight ng Cebu Pacific bunsod ng nararanasang sama ng panahon.

Apektado ang biyaheng 5J 506 at 507 Manila – Tuguegarao – Manila.

Payo naman ng MIAA sa mga apektadong pasahero, makipag-ugnayan sa airline company para sa rebooking o refund ng pamasahe.