China, ikinabahala ang bilateral investment agreement sa pagitan ng Pilipinas at Taiwan
Nababahala ang China sa bilateral investment agreement ng Pilipinas at Taiwan.
Sa pulong-balitaan sa Beijing, sinabi ni Chinese Foreign Ministry spokesman Geng Shuang na walang problema ang China sa normal na ugnayang kalakalan ng Pilipinas at Taiwan, ngunit hindi sila sang-ayon sa anumang opisyal na palitan ng kasunduan ng dalawa.
Dagdag ni Geng, umaasa ang China na tatalima ang Pilipinas sa prinsipyo ng “one China” at iwasang malamatan ng Taiwan ang magandang ugnayan ng Pilipinas at China.
Noong Huwebes, lumagda ang Pilipinas at ang de facto ambassador ng Taiwan sa isang kasunduan, ayon sa pamahalaan ng Taiwan.
Ayon sa Beijing, walang karapatan sa diplomatic recognition ang Taiwan dahil bahagi umano ito ng China.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.