Human rights group hinamon ni Duterte ng debate sa isyu ng droga

Kumpiyansa si Pangulong Rodrigo Duterte na walang panalo sa kanya sa debate ang mga human rights group kung isyu sa ilegal na droga ang pag-uusapan.

Paliwanag ng pangulo, mas matalino kasi siya kaysa sa mga miyembro ng human rights group.

Ipinagyabang pa ng pangulo na noong panahon ng eleksyon, tinalo din niya sa debate ang apat niyang nakalaban sa pagka-pangulo.

Kabilang sa mga nakatunggali ng pangulo sa presidential race, sina Senator Grace Poe, dating Secretary Mar Roxas, dating Vice President Jejomar Binay at namapayang Senador Miriam Defensor Santiago.

Matatandaang makailang beses na ring minura ng pangulo ang mga taga human rights group dahil sa pagbatikos sa madugong anti-drug war campaign ng administrasyon.