Lasing na rider, sugatan matapos sumalpok sa isang sasakyan sa Roxas Blvd Service Road

Sugatan ang isang rider matapos sumalpok sa isang sasakyan sa kahabaan ng southbound ng Roxas Blvd Service Road pasado alas-2:00 ng madaling araw.

Nakilala ang biktima na si Michael Morales na aminado namang nakainom.

Ayon kay Alvin Pillano, driver ng sasakyan na binunggo ng motor, papunta sana sya ng airport para ihatid ang kanyang pasahero nang biglang banggain sya ng motor na mabilis ang patakbo.

Nagasgasan naman ang gilid na bahagi ng sasakyan.

Samantala, dinala naman na sa pinakamalapit na ospital ang rider para lapatan ng paunang lunas.