Isasagawa ang joint AFP-PNP command conference na ipinatawag ni Pangulong Rodrigo Duterte sa Malakanyang mamayang hapon.
Isa sa mga maaring maging agenda ang usapin kung palalawigin pa ba o hindi na ang martial law na mapapaso na sa December 31, 2017.
Maliban sa nasabing command conference magiging abala pa ang pangulo sa ibang aktibidad ngayong maghapon.
Dadalo ang pangulo sa awarding ng 2017 Model OFW of the Year. Susundan naman ito ng meet and greet ng pangulo sa mga miyembro ng “Duterte Supporters” Pampanga chapter.
Panghuling aktibidad ni Pangulong Duterte ang 20th Cabinet Meeting na gaganapin mamayang alas 5:30 ng hapon.