Calayan, Cagayan, niyanig ng magnitude 4.4 na lindol
Niyanig ng Magnitude 4.4 na lindol ang Calayan, Cagayan kaninang alas 2:50 ng madaling araw.
Nauna nang inilabas ng Phivolcs batay sa kanilang Earthquake Information No. 1 na may lakas ang pagyanig na Magnitude 4.0 ngunit itinaas ito sa Magnitude 4.4.
Ayon sa Phivolcs, may lalim ang lindol na anim na kilometro at tectonic ang dahilan.
Naitala ang Intensity I sa Pasuquin, Ilocos Norte.
Hindi naman inaasahan ang pagkasira sa mga ari-arian dulot ng pagyanig.
Wala ring inaasahang mga kasunod na pagyanig o aftershocks.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.