George San Mateo, kinasuhan na sa korte dahil sa ikinasang dalawang araw na transport strike

Sinampahan na ng kaso ng Quezon City Prosecutor’s Office si PISTON National President George San Mateo.

Ang naturang reklamo ay isinampa ng Land Transportation Franchising and Regulatory Board laban kay San Mateo.

Kasong paglabag sa Section 20 ng Commonwealth Act 146 o Public Service Law ang kakaharapin ni San Mateo.

Iniakyat ng QC Prosecutor’s Office ang reklamo sa Quezon City Metropolitan Trial Court matapos itong
makitaan ng probable cause.

Matatandaang inireklamo ng LTFRB si San Mateo matapos magsagawa ang kanyang grupo ng dalawang araw na tigil-pasada.